Svandalen Utvikling AS er selskapet som sit med utbyggingsrettane i Svandalen Fjellgrend. Aksjeselskapet er eit samarbeid mellom Ryfylke Bygg, murmester Endre Storli, AS Forskaling, Sauda Varme & Bad og Ryfylke Elektro.
Det er Ryfylke Bygg som er selskapet sin største eigar, med 52 prosent av aksjane. Dagleg leiar i både Svandalen Utvikling AS og Ryfylke Bygg, Asle Rafdal, er godt fornøgd med at dei nå er klare med å gå vidare og bygge eit nytt felt med hytter i Svandalen.
– Trinn 1 nærmar seg ferdig, og då kan me opne trinn 2. Me har laga tekniske planar og kjem til å starte salet til vinteren, seier Rafdal.
Målet deira er at gravearbeidet for å legge til rette for dei nye hyttene kan starte opp til våren.
Trinn 2 er neste skritt i planen som til slutt skal munne ut i 100 nye hytter. Til nå i trinn 1 er det bygd 26 hytter, den siste blei nyleg ferdig. Ytterlegare tre hytter skal byggast i hyttefeltet sørvest i Svandalen. I førre veke blei det vedtatt å bygge på to av dei tre gjenverande tomtene.
– Me veit at stort sett alle hytteeigarane her bruker Sauda, handlar i butikkane, er aktive i lokalsamfunnet og betaler eigedomsskatt. Dei er viktige for heile Sauda, for dei er ein del av oss, forklarer Rafdal, som opplyser at det er få saudabuar og lokale som har kjøpt hyttene dei har bygd i Svandalen.
Vil du lese meir? Sjekk papirutgåva eller last ned eavisa her.