– Organisasjonen vår er, etter etableringa og nå nedlegginga av asylmottaket, rigga for å kunne ta imot fleire flyktningar enn dei 15 kommunestyret har vedtatt at me skal busetta i 2017, seier Jakob Svandal, kommunalsjef oppvekst og kultur.
Politikarane i Sauda kommunestyre vedtok i november i fjor at Sauda skal busetta 15 flyktningar i 2017. Dette var heilt i tråd med innstillinga frå administrasjonen. Det var også det talet Inkluderings- og mangfaldsdirektoratet (IMDI) bad Sauda kommune om å busetta i 2017. Vedtaket blei gjort få veker før det blei klart at det nær eitt år gamle asylmottaket i Sauda skulle leggast ned i februar 2017.
– Tidlegare var det IMDI som måtte masa på kommunane om å busetta flyktningar. Nå er det motsett. Mange kommunar, som har rigga organisasjonen sin for asylmottak og har mista mottaket sitt, kjempar nå om å få busetta fleire flyktningar i sin kommune, forklarer Svandal.
Vil du lese meir? Sjekk papirutgåva eller last ned eavisa her.