Glenn Tore Løland gjekk onsdag det vertikale løpet i verdsmeisterskapet i randonee.
27-åringen enda på 37.-plass. Med tida 27 minutt og 59 sekund var han snautt fire minutt bak gullvinnar Kilian Jornet (Spania), som vann foran Damiano Lenzi (Italia) og Werner Marti (Sveits).
Les også: VM-debut med stil: – Mi beste internasjonale plassering
Det vertikale løpet er i randoneesamanheng eit reint motbakkeløp med ski på beina. Løland var 44 sekund bak 30.-plassen, og yttarlegare 45 sekund frå ei topp 20-plassering.
Løpet var Løland si fjerde VM-deltaking på seks dagar. Den siste veka har han gått inn til 33.-plass på den klassiske distansen, 13.-plass i lagkonkurransen saman med Lars Erik Skjervheim og 28.-plass på tysdagens sprint.
69 løparar deltok i onsdagens motbakkeløp. Verdsmeisterskapet sluttar torsdag med stafettar. Her ser du resultata frå onsdagens løp.