Sauda IL friidrett stilte med fire utøvarar på startstreken då krinsmeisterskapen i friidrett gjekk av stabelen i Sandnes i helga. 13 år gamle Olav Dybing Bakka stilte til start i tre øvingar og henta med seg medaljar i to av dei.
På 1 500-meter sette unge Dybing Bakka ny personleg rekord då han for første gong braut femminuttarsgrensa og sprang inn til 4,57,55. Det gav sølvmedalje i krinsmeisterskapen og den tolvte beste 1500-metertida av ein 13-åring i Norge så langt i år. Det blei også medalje på 60-meter, der tida 8,92 var den tredje beste i feltet og dermed bronseplass.
Endå betre medaljefangst blei det for Olav sin jamaldring Åsne Stensvåg Seim. Åleine i klassen heldt 18,95 i diskos og 8,28 i kule naturlegvis til gullmedalje i begge øvingar for kastaren.
Øvrige medaljar til lokale utøvarar gjekk til Carlos A. Ccoscco Ventocilla som tok sølv i spyd og Hanna Haugsvær, som representerer Haugesund IL, med sølv i diskos i jenter 15-klassen.
KM friidrett Rogaland
Sandnes, 22. – 23. August 2020
Diskos, j13 (1):
1 Åsne Stensvåg Seim, Sauda IL 18,95
Diskos, j15 (3):
1 Inga Rabben Reimers, Sandnes 37,59
2 Hanna Haugsvær, Haugesund IL 32,88
60 meter, g13 (6):
1 Philip Kauffman, Skjalg 8,41
3 Olav Dybing Bakka, Sauda IL 8,92
600 meter, g13 (11):
1 Dennis Kvame Ravndal, Spirit 1:39,23
5 Olav Dybing Bakka, Sauda IL 1:43,94
Spyd, menn senior (3):
1 Vebjørn K. Bottenvik, Sandnes 64,27
2 Carlos A. Ccoscco Ventocilla, Sauda IL 41,85
800 meter, menn senior (8):
1 Salim Bukari, Skjalg 1:57.51
7 Ivar Bakka, Sauda IL 2:21.72
1 500 meter, g13 (7):
1 Dennis Kvame Ravndal, Spirit 4:44,15
2 Olav Dybing Bakka, Sauda IL 4:57,55
Kule, j13 (1):
1 Åsne Stensvåg Seim, Sauda IL 8,28