For rundt tre veker sidan vart alle søknader og papir på plass, og Statens vegvesen stempla Sauda bilverkstad som godkjend.
Plonka er nøgd med lokalet, ettersom det er i god stand etter å ha vore brukt av Sauda Vaskeri.
– Det einaste er takhøgda som gjer det vanskeleg å heise opp store bilar, seier den nyoppstarta verkstadsdrivaren, med eit håp om ein gong å kunne bygge ein betre egna verkstad.
– Viss det går bra, så klart. Eg kjem til å tilsette ein bilmekanikar til ganske snart, for det vert litt mykje når ein skal skru, ta imot kunder og vere kontormann åleine, opplyser Plonka.
Den nyoppstarta bedrifta i Saudasjøen er godkjend som bilverkstad 01, noko som betyr at han kan ta seg av alt innan vanleg personbil opp til 3,5 tonn.
– Inntil vidare kan eg ikkje utføre EU-kontroll. Eg har ikkje utstyret til det. Men eg kan ordne alt som har med maskinar å gjere – plenkløpparar, traktorar og båtar. Det kom faktisk nokon og spurde om eg kunne reparere ein hjullastar, seier Pawel Plonka med eit smil.
Les meir i papirutgåva eller last ned e-avisa.