– Det pågår framleis søk, får Ryfylke opplyst frå operasjonssentralen til Haugaland og Sunnhordland politidistrikt nå i kveld klokka 20.40.
– Vil leitinga halda fram utover natta?
– Det er ei operativ vurdering. Det vil bli gjennomført fleire avhøyr utover kvelden. Då vil me forhåpentlegvis få meir klarhet i kva eller kven me eventuelt leitar etter, svarer politiet.
Politiet vil ikkje uttala seg om nasjonaliteten til dei fire pågripne, men det er klart at politiet tidlegare i dag etterlyste ein polskregistrert bil.
Ettersom det framleis er uklart om ein eller fleire ransmenn oppheld seg på frifot i Saudafjella ber politiet folk om å ta visse forhåndsreglar.
– Lås bilane, iallfall. Og så lenge det er sperringar og ein ser aktivt politiarbeid, så ikkje gå tur i dette området, er oppfordringa frå politiet.
Fleire trimmarar og turgåande og -syklande saudabuar har hamna midt oppi politidramaet i området rundt Lona i løpet av ettermiddagen.