Leilegheitene på Øgreidkaien blei bygd i 2009. Nå blei den første leilegheita vidareselt. Den blei lagt ut for sal med ei prisantydning på 3,7 millionar kroner. Salssummen blei 600 000 kroner høgare.
– Det var tre bodgivarar og enda fleire som var interessert i leilegheita. Totalt var det sju interessentar på lista, opplyser eigedomsmeklar Alexander Skree i EiendomsmeglerVest.
Leilegheita ligg i andre etasje og har 102 kvadratmeter primærrom. Bruksarealet er 142 kvadratmeter. Målt i primærrom blir kvadratmeterprisen 42 150 kroner. Dette gir ein vesentleg høgare kvadratmeterpris enn funkishuset, som hadde 183 kvadratmeter i primærrom og er bygd i 2012. Kvadratmeterprisen til funkishuset var på 21 850 kroner.
Selgar var fire søsken, som arva leilegheita etter mor si.
– Me hadde eit håp om at me kunne få ein pris over prisantydninga, men at det skulle gå så høgt hadde me ikkje drøymt om. Me er så klart veldig fornøgde, seier Tori Vigeland.
Les meir i papirutgåva eller last ned eavis her